فى البداية ..هذه الزوجة التى اتحدث عنها لاتمارس اى دربا من دروب الرجولة ..لكنها الام التى تربينا على وجودها جميعا ..وهذا دورها الذى أسند اليها من قبل زوجها ....
لم يطلقون على الزوجة اسم "الحكومة"؟
اولا : هى وزارة مالية
لانها تنهب مدخرات زوجها اولا باول ..وفى الوقت ذاته ..تدبر احتياجات الاسرة من المأكل والملبس والمشرب وخلافه....وتضعها فى نظام محكم دقيق ...لكى تدخر منه للظروف الطارئة
ثانيا :وزارة بيئة
لانها تقوم باعمال النظافة والترتيب والغسيل والكى ..وتعمل على جعل المنزل نظيفا بعيدا عن الامراض
ثالثا:وزارة تربية وتعليم (هذا هو الدور الاساسى)
لانها تقوم بتربية الاولاد وتعليمهم الاخلاق والقيم ..وهى ايضا من تقوم بمتابعتهم دراسيا...وكما يقول الشاعر
" الام مدرسة اذا اعددتها
اعددت شعبا طيب الاعراق "
رابعا:وزارة صحة
لانها تقوم بتمريض الاولاد والسهر عليهم ..الى ان يصبحوا اصحاء..وهى ايضا بالتعاون مع الزوج بالذهاب بهم الى الطبيب ...
خامسا :وزارة خارجية
لانها تتعاون مع جاراتها ..وتتناقش معهم وتتبادل معهم الخدمات ..كالجمعيات المالية ..واحيانا بعض الماكولات ...
سادسا :وزارة داخلية
فاجيانا عندما يتغيب الاب سواء لعمله او لوفاته فانها تاخذ شكل هذه الوزارة فى تتبع اوقات دخول البيت والخروج منه للابناء ..وتبحث عن الخارجين عن السلوك وتقوم بمعاقبتهم
سابعا :وزارة اعلام "وهذا ليس فى كل الزوجات"
لانها بالتعاون مع جيرانها تتعرف على اخبار الجيران وتصبح نمامة
لم يقال على الزوجة حكومة؟
باركولى انا جبت نظارة جديدة
الناس المجدعة
مهنته احدى المهن التى انقرضت فى عصرنا هذا ..ولم يتعرف اطفالنا عليها الا عن طريق التلفاز او المذياع ....هو احدى الشخصيات التى لا تعرف النوم الا قليلا ..وارتبط وجودها بحلول شهر رمضان الكريم...وهذه المهنة لها تاريخ طويل وتطورت كثيرا من عهد الرسول _صلى الله عليه وسلم _ الى وقتنا هذا..
هل تعرفون من هو؟ .....انه المسحراتى
واقتبس تعريفا خفيفا للمسحراتى ..مثلما قال محمد صبحى فى مسرحية الهمجى عنه:"انه راجل صايع طول السنا ..ويجى فى شهر رمضان يلبس جلابيه مقطعة..ويعلق طبلة فى رقبته..ويمسك عصاية اقفاص ويطبل عليها..ويجى فى ايام العيد ويبدأ يلوش .."
لكننى اتعارض مع هذا التعريف ..فالمسحراتى شخص لايعرف النوم..ولايشترط فيه انه يمارس نوعا من التسول الغير مرخص..فالمسحراتى صوت عذب يوقظ الناس من نومهم لينبههم الى السحور .............
فهى مهنة عرفت منذ عهد الرسول _ صلى الله عليه وسلم_ وكان يقوم بها بلال بن رباح رضى الله عنه... فهو اول مسحراتى فى التاريخ الاسلامى ........
اما فى مصر فقد كانت لمهنة المسحراتى اهمية كبرى ..لان الوالى كان يقوم بنفسه بهذه المهمة ابتداء من الوالى عتبة بن اسحاق ..ولذا فهذه المهنة كانت تلقى احتراما كبيرا .......
وده كان واحد من الناس المجدعة اللى افتقدناهم فى عصرنا الحديث
اسأل مجرب من رمضان اللى فات
كل سنه بيهل علينا شهر الحسنات
شهر المغفره والتوبة والرحمات
شهر قالت فيه الشياطين للمسلمين سلامات
هانسيبكوا ونتمنى نرجع نلاقيكوا عن ربنا بعاد
واسأل مجرب من رمضان اللى فات
ففينا اللى نسى العباده وجرى ورا الملذات
نسى ربنا الكريم وانشغل بالمسلسلات
اتلهى عن قراءة القرءان بمتابعة الحلقات
غفل عن ذكر ربه وغرق فى الشهوات
صائم عن الاكل والشرب وفاطر عالمحرمات
مش مدرك ان كل ده فى ميزان السيئات
وبكده خسر رمضان اللى بيشفع فى الممات
واسأل مجرب من رمضان اللى فات
وفينا بقا اللى مدرك انه طريق للجنات
فعقد نيته وعزيمته من اول ساعات
وبدء بالاستغفار والصدق فى التوبات
وكل يوم بيصلى وحريص عالجماعات
وبيتنافس مع اصحابه فى عدد الختمات
وايديهم فى ايد بعض بيسعوا فى الخيرات
وعمره ما انشغل بالملذات عن اداء العبادات
واكيد ربنا هايجازيه خير ويدخله الجنات
واسأل مجرب من رمضان اللى فات
فياترى انت مين فيهم ياقارئ الابيات
ياريت نكون كلنا الصالح اللى فاز بالحسنات
مواسم المسئولين
تلاقيك سعادة وزير التعليم يطلع اثناء موسم امتحانات الثانوية العامة.........
وسعادة وزير التعليم العالى يطلع فى موسم التنسيق او لو معرفناش نعتر على سعادته يطلع سيادة المسئول -او المسئوم - عن مكاتب التنسيق اصل عقبال امالتك وزير التعليم العالى بيعلم ولاده فى الخارج مش مقتنع بالتعليم فى مصر بلا وكسة...........
وحدث ولا حرج عن الحاج وزير الداخلية اللى يطلع اثناء تخريج اى نفر من الداخلية ..اكاديمية بقى ولا كلية ولا حتى امناء شرطة....وماتلاقيهوش اثناء حدوث تجاوز لضابط زى الحادثة الاخيرة بتاعة خالد سعيد.........
ولا ياسيدى على الاخبار الرياضية جدو راح الاهلى ..جدو لسه فى الاتحاد لدرجة انى كرهت جدو-الله يرحمه- ...جدى ابو ابويا يعنى .......ولاحتى ابو امى والله ما بتفرق عندنا
ام هند بقى - المهم يعنى- سيادة المسئوم ما يطلعش فى الفلفزيون الا لو فيه نصيبة حصلت -لاقدر الله- ولو ان النصايب بقت على قفا من يشيل فى البلد :
يعنى ما تشوفش خلقة وزير المالية الا وهو بيفرض ضريبة ...وااخرهم الضريبة العقارية.........شايف حضرته الناس مغتنية ومش عارفة تودى فلوسها فين فسعادته بيفرض ضريبة مش شايف اللحمة اللى بيحلم بيها كل فقير ولا
نظفظف حبيب هارتى اللى طول السنة الفحلقى اللى ياخويا يقوللك الاسعار هانخفضها على رمضان ولا حياة لمن تنادى
اصل احنا بقينا فى دولة تتعامل بالشفافية ويا خويا الدولة عاملة ودن من طين وودن من عجين
بمناسبة اللحمة انا خايفة ان فى عام 2015 او اقل من المدة دى ممكن تلاقى حد داخل السجن او دافع غرامة مش علشان كسر اشارة او مش لابس الحزا م او بسبب كيلو هيروين او كيلو حشيش ................لكن علشان الكحيان كان شارى كيلو لحمة!!!
قيثارة حياتى
زيارة نظيف..ركبتلى الخفيف
كنت ماشى فى الشارع من يومين لاقيت الشوارع فاضية و"نظيفة"ومرصوفة والاشجار والزينات عالجانبين مصفوفة.. سألت مراتى :"هو فيه ايه؟..رمضان قرب ولا ايه؟"قالتلى :"اسكت ياخويا ده علشان موكب نظيف بيه"..
وتانى يوم صحيت الصبحية ..وشخطت فى الولية..وقلتلها :"ياللا ياختى ..همى شوية..يللا وضبى الهدمة على ما اطس وشى بشوية ميه" قالتلى :"الهدمة متوضبة بس مفيش نور..يوة ده الكهربا قاطعة..اعمل حسابك مفيش فطار"قلتلها:"لا فطار.. ولاعشا..ولا اكلة كويسة..يومك باين يابنت المفلسة" فنزلت جرى عالسلم ..حتى من غير ما اتهندم..
ونزلت الشارع الاقيه فاضى..ولا فيه اى مواصلة اركبها لحد المصلحة..اضطريت امشى..امشى ماانا عالحديدة ..دول حتى بيقولوا "المشى رياضة" خسيت النص من كتر المشى والرصيف لسه بيلزق ..
وشفت ينت لابسة محزق عالكستها قالتلى:"عيب يابن الملزق..حط فى وشك شوية دم..يوة يا سم"
واخيرا رحت المصلحة الحكومية..وكانت شكلها ساعة مش معدية..لاقيت سيادة المدير لابسلك الحتة اللى عالحبل وغاسل سنانه وملمع الجذمة كما لو كان رايح يتجوز على مراته بهية!
والعبد لله لابس حتة هدمة ..ايه معفنة تحسسك انه رايح يشحت هيا نفسها الهدمة اللى بيروح بيها المصلحة من تسع سنين ..ويا سيدى عالجذمة اللى باين منها الشراب ولو حد وقف جنبى ..يشم ريحة رجلى!
واما لو دخلت المصلحة هتلاقى النظافة هتاكل منها حتة..النظافة كما ينبغى ان يكون..كلام فى سرك الراجل المدير بتاعنا ده مبحطش برفان..الا ساعة اللزوم يامان وياسيدى عالورود المصفوفة ..تقولشى فى جنينة..اشى احمرواصفروبمبى..ايه ده كله ايه ده كله ..وكل بيرحب ب"نظيف" بيه نظيف ..اسم على مسمى منظفهالنا اول باول مخليها انظف من الصينى بعد غسيلة ..طويل طول السنة السودا..
اول ماشافنى المدير قاللى :"ايه ده يا حضرة..ايه اللبس البيئة ده؟!" قلت :"معلش يا سعادة المدير" قاللى قال ايه:"مخصوم منك تلات ايام"المفترى هو الشهر فيه كام تلات ايام وكمان مش مكفيه اللى عمله قام قاللى "دور على جذمة تانية بدل البتاعة اللى لابسها دى و استلفلك جزمة" واستلفت جزمة من الفراش اجرهالىبالساعة الساعة بخمسة جنيه والحسابة بتحسب واهو كله عالنوتة
واخيرا ...............رجعت البيت
يا نهار احداث !
لاقيت مراتى وقاعد جنبها ..المصيبة حماتى ..كملت وطبلت فوق دماغى
قالتلى المصيبة حماتى: " بقى انت يا موكوس..ياللى محتاج لبوس تعمل فى بنتى كده..
طب والله ماهى قعداللك فيها"
بركاتك يا نظفظف
