اسأل مجرب من رمضان اللى فات

اسأل مجرب من رمضان اللى فات
كل سنه بيهل علينا شهر الحسنات
شهر المغفره والتوبة والرحمات
شهر قالت فيه الشياطين للمسلمين سلامات
هانسيبكوا ونتمنى نرجع نلاقيكوا عن ربنا بعاد
واسأل مجرب من رمضان اللى فات
ففينا اللى نسى العباده وجرى ورا الملذات
نسى ربنا الكريم وانشغل بالمسلسلات
اتلهى عن قراءة القرءان بمتابعة الحلقات
غفل عن ذكر ربه وغرق فى الشهوات
صائم عن الاكل والشرب وفاطر عالمحرمات
مش مدرك ان كل ده فى ميزان السيئات
وبكده خسر رمضان اللى بيشفع فى الممات
واسأل مجرب من رمضان اللى فات
وفينا بقا اللى مدرك انه طريق للجنات
فعقد نيته وعزيمته من اول ساعات
وبدء بالاستغفار والصدق فى التوبات
وكل يوم بيصلى وحريص عالجماعات
وبيتنافس مع اصحابه فى عدد الختمات
وايديهم فى ايد بعض بيسعوا فى الخيرات
وعمره ما انشغل بالملذات عن اداء العبادات
واكيد ربنا هايجازيه خير ويدخله الجنات
واسأل مجرب من رمضان اللى فات
فياترى انت مين فيهم ياقارئ الابيات
ياريت نكون كلنا الصالح اللى فاز بالحسنات

مواسم المسئولين

جرت العادة فى مصر ان يبقى فيه مواسم لظهور المسئولين فى الاعلام -المقروء منه او المسموع او المرئى-يعنى اضرب لسعادتك مثال رفيع:
تلاقيك سعادة وزير التعليم يطلع اثناء موسم امتحانات الثانوية العامة.........
وسعادة وزير التعليم العالى يطلع فى موسم التنسيق او لو معرفناش نعتر على سعادته يطلع سيادة المسئول -او المسئوم - عن مكاتب التنسيق اصل عقبال امالتك وزير التعليم العالى بيعلم ولاده فى الخارج مش مقتنع بالتعليم فى مصر بلا وكسة...........
وحدث ولا حرج عن الحاج وزير الداخلية اللى يطلع اثناء تخريج اى نفر من الداخلية ..اكاديمية بقى ولا كلية ولا حتى امناء شرطة....وماتلاقيهوش اثناء حدوث تجاوز لضابط زى الحادثة الاخيرة بتاعة خالد سعيد.........
ولا ياسيدى على الاخبار الرياضية جدو راح الاهلى ..جدو لسه فى الاتحاد لدرجة انى كرهت جدو-الله يرحمه- ...جدى ابو ابويا يعنى .......ولاحتى ابو امى والله ما بتفرق عندنا
ام هند بقى - المهم يعنى- سيادة المسئوم ما يطلعش فى الفلفزيون الا لو فيه نصيبة حصلت -لاقدر الله- ولو ان النصايب بقت على قفا من يشيل فى البلد :
يعنى ما تشوفش خلقة وزير المالية الا وهو بيفرض ضريبة ...وااخرهم الضريبة العقارية.........شايف حضرته الناس مغتنية ومش عارفة تودى فلوسها فين فسعادته بيفرض ضريبة مش شايف اللحمة اللى بيحلم بيها كل فقير ولا

نظفظف حبيب هارتى اللى طول السنة الفحلقى اللى ياخويا يقوللك الاسعار هانخفضها على رمضان ولا حياة لمن تنادى

اصل احنا بقينا فى دولة تتعامل بالشفافية ويا خويا الدولة عاملة ودن من طين وودن من عجين

بمناسبة اللحمة انا خايفة ان فى عام 2015 او اقل من المدة دى ممكن تلاقى حد داخل السجن او دافع غرامة مش علشان كسر اشارة او مش لابس الحزا م او بسبب كيلو هيروين او كيلو حشيش ................لكن علشان الكحيان كان شارى كيلو لحمة!!!

قيثارة حياتى

حبيبى ... انت قيثارة حياتى..انت النور الذى اشرق حياتى..احببتك ...نعم احببتك..اقولها وينتشر الخجل فى وجهى..ولكن هل احببتنى ؟

لقد احببتك دون ان المس يديك .وهذا من دواعى حيائى ....

"احببتك" .......اتمنى ان تقولها لى كى ينخلع قلبى من بين جنباتى واعطيه لك...

شعرت بلوعة الحب ولكننى لم اصدق ..

سهرت الليالى ولكننى لم اصدق.......

هل احببتك ؟...أم ألقيت على بتعاويذ جعلتنى احبك؟

أحببتك سيدى..عذرا اقولها فى صدرى خشية من ان تلومنى.. لا تلمنى

فأنت رجل خلقه الله وصاغه ليكون لى حبيبا ..........

تمنيتك فى صغرى ... فى طفولتى...كأن روحى وروحك امتزجتا ليكونا روحا واحدة....

أحببتك افولها وانا اذرف الدمع..."احببتك" ليتك تقولها لى..اتمنى ان تحتوى حبى لك فهو حب لن اشعر به ثانية ......

أنت رجل نسجته من خيالى,ورسمته فى اوراقى...وعندما رايتك احسست انك ملاك فى صورة بشر.......احبك واذرف دمعا فى حبك ..

ماذا اقول فى رجل سحر قلوب كل النساء...

ماذا اقول فى رجل عندما تحادثه كأنما تحادث ملكا من السماء........

تساميت بروحى من اجلك وتكبدت العناء.......

احببتك ماذا افعل؟؟

جعلت منى اضحوكة بين الناس ..عندما لا أراك..أشعر كأننى فقدت عقلى..أصبحت متيمة بك..اسرت قلبى الذى لايقوى على حبك..

عندما تقول لى "احببتك سيدتى"..سأشعر انى ملكت الدنيا بحذافيرها..كأنى اصبحت كالابطال الخارقين..

وهذا كله لاننى احببتك...وماذا فى ان احبك؟

سطرت بدمى حبا لايعرفه الا انا وقلبى..قلبى الذى عذبته ..قلبته بين راحتيك ..كما تقلب اوراق الكتب..ليتنى ان اكون كتابا بين يديك ..فجطى العاثر جعلنى بشرا..فلم احظ منك بنظرة حتى ولو شذرا..أما الكتاب فهو بين راحتيك..وتحنو عليه بنظرة من عينيك اللتان اسرتا قلبى..

اذرف الدموع فى حبك ..كتمته فى صدرى حتى اموت به..

اننى اقوى بدونك .. ماذا فعلت بى؟

انا امرأة عرفت بسداد رأيى وبعد بصيرتى..حبك هاجمنى واعجزنى عن التفكير الا بك ..

اصبحت بين يديك سيدى كالقطة المسكينة التى يشفق عليها الناس..

كزهرة ذابلة فى حديقة قفراء..

قيثارتى ولن أناديك سيدى..

نغماتك تضرب اذانى..اسمى لم يكن له معنى الى ان ذكرته..احببتك حبا لايعرف المسافات والزمن..

ان مت بدون حبك..فساكون شهيدة فى حب الملك الذى احب..

وان احببتنى..فأقسم لك بقلبى الذى انفطربين يديك أننى لن اطلب الا حبك لى..

تلفظها ارجوك..اتوسل اليك...

قيثارتى ..احببتك بكل ما أمتلك من جوارح

احبنى بلا عقد..

بلا قيد..

بلا اى شروط....................