باركولى انا جبت نظارة جديدة

اعرفكم بنفسى ..انا ذكية.. بنت الست بهية ..بياعة الطعمية..اللى بتقعد عند الجمعية ..الاولى عالاعدادية ..

لا مؤاخذاة دى صورتى بالنظارة الجديدة....

أول ما لبست نظارة ..قالوا عليا دحيحة مذاكرة ودودة كتب ..لكن انا كنت باقعد فى اخر الفصل فنظرى ضعف والموضوع ليس له اى علاقة بموضوع المذاكرة خالص ..

وسبب فرحتى بالنظارة الجديدة لانها هدية نجاحى فى الاعدادية من امى بهية..

وسبب فرحتى بيها كمان ........

ان شكلى فيها عامل زى حضرة الناظرة فوزية..

ناظرة المدرسة الاعدادية..

استاذة فاضلة ..وكمان شخصيتها قوية....

يا ريتنى ابقى دكتورة بشرية..

وابقى احسن دكتورة فيكى يا جمهورية مصر العربية........

ومش عيب انى ابقى بنت الست بهية بتاعة الطعمية.........

علشان ابقى طالبة جامعية.............................